ممكن تدينى رقم موبايلك !!!؟

بصوا انا النهاردة جيه اقول حاجة حصلت لاغلى صحباتى زيكوا كدة.منة صحبتى18 سنة.يعنى ديما اهلها خنقنها شوية فى الخروج او لو هتروح لحدمن صحبتها.منة بطبيعتها مبتحبش تقييد الحرية فقالتى انا بالعند فيهم مش هخرج.
ففعلا مكنتش بتخرج خالص.طبعا اتخنقت من القعاد لوحدها فبدأت تستخدم الكمبيوتر فى التسلية والوسيلة الاولى والاخيرة الى بيستخدمها الشباب هى الشات
المهم فى واحد كلمته سنة ونص (معرفش عدت ازاى) المهم طلب موبايلها وهى رفضت طلب صورة برضه رفضت طب يشوفها ثوانى بالكام وهى لاء.
المهم انه مسبهاش فقالها ان كل ده مش مهم عنده(كداب طبعاً) ادها هو موبايله وصورته عشان يبقى فى امان.
وبعدين بقوا يدوا مواعيد لبعض ويكلموا بعض بالساعات.
لكن هو خلاص فاض بيه فضل يلح عليها لياخد موبايلها ولا صوره وهى رفضا تماما.
وهنا بانت حقيقته..................
مش قادرة اقولكوا قد ايه هو طلع انسان حقير وزبالة ابتدى يكلمها كأنها واحد صحبه(فهمنى طبعا) فمسحت ميله من عندها بعد خناقة كبيرة لانه تعدى حدود الادب وهو بيكلمها.
لكن هو بقى ممسحش ميلها .
وفيوم حبت تكلم عمها المسافر الكويت.ففتحت الميل هى وعمها وفضلوا يكلمو بعض .بعدين باباها جه وهى عادى بتكلم عمها فباباها حس بشوية صداع فقالها بليز اعمليلى شاى وهتيلى اسبرين.
فقامت وبدأ هو يكلم اخوه وفجأة............
ظهر الملعون وبدأ يكلمها بنفس اسلوبه القذر لكن ابوها تجاهل ممكن حد يكون جاب الميل صدفة لكن هو ذكر اسمها وبيانتها كامله اللى تخلى ابوها يعرف انها بتكلمه.
لكوا ان تتخيلوا موقفها معى طبعا مش لاقية حاجة تقولها ولا تبرر بيها موقفها مع ابوها الصعيدى فاللى حصل حصل................................. كان عقابه جامد اوى وقاسى جداً وانا مش بكدب هو معاه حق .
وكان من ضصمن عقابه انه اخد الموبايل ومنعها من الكمبيوتر والشارع (ده طبعا غير العقاب البدنى والنفسى)
فطلبت من انشر لها الموضوع ده واسألكوا اسئله حددتها هى فاسمحولى...........اسألكوا وتجوبونى بصراحة عشان نفيد بعض والا التوبيك يبقى ملوش لزمة يمكن نقضى على جزء من الظاهرة دى.


الشباب
1-كام ساعة بتقضيها مع الشات؟
2-بتعطل اعمال المفروض تنجزها عشانه؟
3-بتفضل الشات الصوتى ولا الكتابى؟
4-بذمتك ودينك عمرك ما قلت كلمة جارحة او خادشة للحياء لولد او لبنت؟
5-بتفضل تتعرف على ولاد ذيك ولا بنات؟وليه؟
6-ليه ديما تكتبوا اسمائكوا المستعارة بنات مع انكوا ولاد وده بيحصل كتير اوى حد ينكر؟
7- ليه ديما بتلحوا فى طلب الموبايل او انك تشوف البنت اللى بتكلمها؟
8-كلام الحب والكلام المعسول بيبقى من قلبك ولا تسلية وقت؟
9- ساعات بتوصل لدرجة انك بتقولها انك عاوز تتجوزها بيبقى بجد ده؟
10-ايه رأيك فى موضوه الشات ده ايجابى ولا سلبى (ده طبعا حسب اللى موجود دلوقتى مش اللى فى خيالنا)؟
واخيراً وليس بينا اخر...
11-ايه نظرتك لنفسك وليها بالنسبة لانكوا بتعملو شات؟
للبنات
1- ايه رأيك فى موضوع الشات؟
ايميلك عليه كام واحد؟وياترى بتقولى لكل واحد دا انت الوحيد اللى على ميلى؟
3-فى حد جرحك بكلمة قبل كدة؟
4-ليه عادة بتحبكوا تكلموا ولاد مش بنات؟
5-اديتى لحد رقم موبايلك قبل كدة ؟ طب شاف صورتك؟
6- بتقولى كتير بحب بيبقى من قلبك؟
7- بتحبى الشات صوتى ولا كتابى؟ليه؟
8- هل بتبقى محترمة نفسك (نظرتك لنفسك) وانتى بتعملى شات؟
9- الشات ايجابى ولا سلبى؟
10-تقدرى تكلمى حد قدام اهلك ؟طب ليه؟